Апелација ги укина пресудите за Мијалков и Тачи во „Титаник 2“

Портпаролот на скопска апелација, Сафет Кадриу, не можеше да ја потврди информацијата дека второстепениот суд ја укина првостепената пресуда против екс шефот на тајната полиција Сашо Мијалков и лидерот на ДПА Мендух Тачи, кои добија по три години затвор во предметот „Титаник 2“, кој се однесуваше за влијание врз одлука на ДИК.

-Одлуката е донесена, но не е напишана. До крајот на неделава ќе излеземе со официјално соопштение – рече Кадриу за Фокус.

Според неофицијални информации, апелација го враќа предметот на повторно судење поради суштествени повреди на постапката.