Аселборн: Ако Франција одобри старт на преговорите со Македонија, ќе попуштат и другите скептични земји

8

Иднината на Македонија е во Европската унија и одлуката која ќе ја донесе Европскиот совет на 26 март ќе биде важна за насоката во која ќе се движи земјава, земјите од регионот на Западен Балкан, но и самата унија, порача министерот за надворешни работи на Луксембург Жан Аселборн.

“Македонија навистина направи се што беше побарано и го заслужи своето место, сега останува Унијата да донесе правилна одлука. Од Франција пристигнуваат позитивни сигнали и сметам дека одлуката на Франција ќе влијае и другите земји кои беа скептични да го променат ставот. Вашата земја ги спроведе реформите, особено за поздравување е донесувањето на Законот за Јавно обвинителство и Договорот од Преспа, кој мора да се почитува и спроведува и по изборите, рече Аселборн.