Бајден по крвопролевањето во Тексас: Мора да направиме нешто, децата како да се на бојно поле

5

Американскиот претседател Џо Бајден и се обрати на нацијата неколку часа по големото крвопролевање во основното училиште во Тексас, каде 18-годишниот Салвадор Рамос уби 15 лица, 14 ученици и еден наставник.

– Се надевав кога станав претседател дека нема да морам повторно да го правам ова. Уште еден масакр, овој пат во Увалде, Тексас, во основно училиште. Жртвите се убави, невини второ, трето и четврто одделение.

И уште колку што беа сведоци, ги гледаа своите пријатели како умираат, како да се на некое бојно поле. Ќе живеат со тоа до крајот на животот – истакна Бајден и додаде:

– Знаеме дека некои родители никогаш повеќе нема да ги видат своите деца, никогаш повеќе нема да ги заспијат и гушнат. Никогаш нема да биде исто. Да изгубиш дете е како некој да ти откине дел од душата. Како нешто да те вшмукал во шуплината на сопствените бели дробови и никогаш повеќе да не можеш да излезеш. Никогаш нема да биде исто.

Самиот Бајден загуби две деца, ќерка во сообраќајна несреќа и син од тешка болест. Американскиот претседател го постави прашањето како да се спротивстави на лобито на индустријата за оружје.

– Поминаа 3448 дена, 10 години откако бев потпретседател во Конектикат каде во Сенди Хук беа убиени 26 луѓе, меѓу кои 21 дете. Оттогаш, имало повеќе од 900 престрелки во училиштата: во Паркленд, Флорида, во Санта Фе, Тексас, во Мичиген и списокот продолжува и продолжува.

Како што рече американскиот претседател, „идејата дека 18-годишник може да купи две автоматски пушки е погрешна“. Тој посочи дека мнозинството Американци поддржуваат усвојување разумни закони со кои би се регулирало носењето оружје. Тој рече дека е време да се реагира.

– Нашите молитви се вечерва со родители кои лежат во кревет и се обидуваат да сфатат дали некогаш повторно ќе заспијат, кои се прашуваат дали нивните други деца се безбедни, кои се прашуваат што ќе се случи со нив утре. Господ нека ги благослови сите изгубени животи на овој тажен ден – заклучи Бајден, пренесуваат светските агенции.