Бразил ја победи Колумбија и го обезбеди настапот во Катар

2

Фудбалската репрезентација на Бразил во изминатата ноќ го обезбеди својот настап на Светското првенство во Катар.

Бразилеците одиграа фантастични квалификации. Вчера во Сао Паоло ја победија Колумбија со 1:0, а голот на одлука беше дело на Лукас Пакета по асистенцијата од Нејмар. Бразил го обезбеди Мундијалот на шест кола пред крајот.

Пред „Кариоките“ настапот го обезбедија само уште Данска и Германија, како и Катар кој како домаќин автоматски се пласираше. За Бразил ова ќе биде 22. настап на мундијалите и тие се единствена селекција која играла на секој голем турнир.

Во останатите три натпревари Чиле го победи Парагвај со 1:0, со ист резултат Еквадор славеше со Венецуела, додека Перу со 3:0 ја декласираше Боловија.