(Видео) Невреме во Хрватска, силниот ветер корнел дрвја, поплави во неколку градови

6

Силниот ветер кој од вчера дува во поголемиот дел на Хрватска, особено во Далмација, со себе донесе и поројни дождови.

Еден од најпогодените градови е Задар, каде силниот ветер корнел дрвја и покриви.

Riva upravo

Publiée par ZADAR News sur Dimanche 22 décembre 2019

Невреме го зафати и југот на Далмација. Во Шибеник нивото на морето е зголемено, а во населбата Долац морето се излеало и поплавило неколку улици. Морето се излеало и во градот Омиш, како и на островот Хвар.
Во прекин се бројни поморски линиии до неколку јадрански острови.

Пороен дожд го погоди и северниот дел на Јадранот. Во Кварнер на неколку мерни станици биле измерени повеќе од 200 литри дожд по квадратен метар. Тоа значи дека на тие места во еден ден наврнал повеќе дожд отколку што вообичаено паѓа во текот на цел декември.