ВМРО-ДПМНЕ: Македонската економија тоне

7

Македонската економија тоне. Споредбено со лани директните странски инвестиции бележат пад од 164 проценти, односно 187 милиони евра помалку. Странските директни инвестиции во третиот квартал од 2019 година изнесуваат очајни 62 милиони евра, соопшти утринава опозициската ВМРО-ДПМНЕ.

„Приватниот сектор е пред колапс, криминалната банда на власт која најави економска година го клекна стопанстовото на колена. Годинава стопанството ќе оствари рекордно мал приход што дополнително е удар врз државната каса која ќе има намалени приходи по основ на даноци. Бизнис заедницата потврди дека Заев лаже, дека Македонија не блеска, а годинава е една од најлошите за бизнис секторот во самостојна Република Македонија.

Заев не го интересира државата, не го интересира економијата, не го интересира обичниот граѓанин кој едвај го минува месецот. Аболицираниот криминалец го интересира само како да го задржи пратеничкиот имунитет за да не одговара за сите злодела врз македонската држава и народ”, пишува во соопштението.