Во Германија уапсен Јетон Љужа, обвинет за убиството на Саздо

14

Германската полиција го уапси Јетон Љужа, третообвинетиот за убиството на дваесетгодишниот Никола Саздовски -Саздо, што се случи пред една година во скопската населба Автокоманда.

Од Министерството за внатрешни работи потврдуваат дека Љужа кој се бараше со меѓунаордна потерница е уапсен во Хамбург и се наоѓа во екстрадиционен притвор. Министерствто сега треба даги обезбеди документите од судот за за ова осомничено лице и да ги предаде во Министерството за правда кое треба да ја води екстрадиционата постапка.
Според обвинителниот акт, Беља и Демири заедно со Ј. Љ. (19), кој е во бегство, на 29 јуни минатата година крвнички го претепале Саздовски на автобуската постојка пред фабриката „Алкалоид“ на булеварот „Александар Македонски“ во Автокоманда.

Од здобиените повреди, Саздовски на 9 јули 2018 година почина на Клиниката за анестезија, реанимација и интензивно лекување – КАРИЛ во Клиничкиот центар „Мајка Тереза“.

Двајца од напаѓачите, Бесир Беља и Скендер Демири, се во притвор во затворот „Скопје“ во Шутка, а за трето осомничениот, кој сè уште е недостапен за органите на прогонот, е распишана домашна и меѓународна потерница.

Основното јавно обвинителство за смртта на младиот Никола Саздовски – Саздо тројцата осомничени лица ги гони за кривично дело „убиство на свиреп начин“, дело кое пред преквалификацијата се водеше како „насилство“.

Ваквата одлука ОЈО, ја образложи со тоа што во текот на истражната постапка биле обезбедени вербални и материјални докази, односно биле испитани повеќе сведоци, бил прибавен обдукцискиот протокол од Институтот за судска медицина, криминалистика и медицинска деонтологија, а особено по изготвеното судско-медицинско вештачење извршено по наредба на јавен обвинител од страна на истиот институт.