Во Италија од денеска без маски на отворено

3

Во Италија од денеска ќе може да се дише послободно, бидејќи владата одлучи во текот на неделата да го укине задолжителното носење заштитни маски на отворено, воведени за заштита од коронавирус.

Според новото правило, луѓето надвор ќе мора да ги покриваат носот и устата само кога се преполни. Претходно ова правило се применуваше и на отворено и на затворено, без оглед на состојбата со коронавирусот на терен.

Во затворен простор и во јавниот превоз маските се уште се задолжителни.

Од денеска ќе се отворат и италијанските диско-клубови, а за влез потребна е потврда за ковид. Минатата година поради пандемијата долго време беа затворени диско клубовите, а во меѓувреме можеа да се отворат и со помала посетеност.

На туристите кои пристигнуваат во Италија од земјите на ЕУ им треба негативен тест за коронавирус, доказ за вакцинација или доказ за Ковид-19 за да влезат во земјата, а доказ за статус е потребен во многу туристички дестинации како што се музеи, ресторани и јавен превоз.