Грција бара од Турција да им помогне на мигрантите на пограничниот остров Еврос

8

Грчките власти побараа од соседна Турција да ѝ помогне на групата од околу 40 мигранти кои се наоѓаат на пограничен остров во реката Еврос, бидејќи таа локација е надвор од грчкиот суверенитет.

Од турските власти беше побарано „веднаш да ги преземат сите неопходни активности“ за мигрантите да бидат брзо отстранети од островот и да им се обезбеди „цела потребна помош“.

Грчкиот совет за бегалци соопшти дека мигрантите, кои наводно биле протерани од едната страна на границата од грчките и од турските власти, изјавиле дека петгодишно девојче починало на островот од убод од скорпија, пренесува Бета-АП.

Илјадници мигранти од Блискиот Исток, Азија и Африка секоја година се обидуваат илегално да преминат во Грција од Турција.