Дом за стари лица во Грција ставен во карантин, најмалку 12 позитивни на коронавирус

Дом за стари лица во областа Неа Макри во источниот дел на регионот Атика, од доцна синоќа е во карантин, по наредба на заменик-министерот за цивилна заштита Никос Хардаљас откако било потврдено присуство на Ковид-19, јави дописничката на МИА од Атина.

32

Според грчката новинска агенција АНА-МПА, најмалку десет лица сместени во домот и двајца вработени се позитивни на коронавирусот.

Официјално не е потврден бројот на заразени лица, а од Генералниот секретаријат за цивилна заштита доцна синоќа соопштија дека Домот за стари лица е во карантин, по резултатите од 122 анализирани примероци.

Претставници од Националната организација за јавно здравје на Грција, откако претходно бил потврден еден позитивен случај, вчера, извршиле проверка на сите вработени и сите сместени лица во домот.