Експертите објаснуваат зошто некои добиваат тромб по вакцина од „Астразенека“

13

Европски и канадски научници можеби најдоа објаснување за ретката, но сериозна појава на згрутчување на крвта кај некои луѓе вакцинирани со вакцината од „Астразенека“ против коронавирус, пишува британската агенција Ројтерс.

Се верува дека феноменот е сличен на оној кој ретко се случува како и кај лекот за разредување на крвта „Хепарин“, познат како тромбоцитопенија предизвикана од лекот.

Во оваа форма на тромбоцитопенија, лекот го активира имунолошкиот систем да произведува антитела кои активираат тромбоцити кои вообичаено предизвикуваат згрутчување на крвта.

Освен „Хепаринот“ и други лекови исто така можат да предизвикаат нарушувања на коагулацијата кои се многу слични на овој лек, а научниците сметаат дека во ретки случаи, вакцината од „Астразенека“ исто така може да биде таков „активирач“.

Четири претходно здрави лица кои примиле вакцина од „Астразенека“ развиле потенцијално фатални тромбови и имале ист вид антитела кои активираат тромбоцити и активираат формирање на тромб во тромбоцитопенија предизвикана од хепарин, напишаа германски, австриски и канадски научници во најновот истражување.

Дваесет вакцинирани лица кои не развиле тромбови немале такви антитела.

Милиони луѓе ја примиле вакцината без никакви проблеми, а европските регулатори и Светската здравствена организација објавија дека придобивките од вакцината „Астразенека“ ги надминуваат ризиците.