Ел Мундо: Ова е договорот на Меси кој ја уништи Барселона, 555 милиони за четири години

Шпанскиот весник Ел Мундо го објави договорот на Лео Меси кој вреди 555.237.619 евра за четири години, плус две премии, една вредна 115.225.000 и друга вредна 77.929.925 евра.

Барселона е силно погодена од коронавирус кризата, клубот е до гуша во долгови, нема пари за трансфери, ниту пак за плати и мораше да подигне кредит за да ги исплати обврските кон играчите.

Ел Мундо вели дека за ваквата ситуација влијание има и договорот на Лео Меси од 2017, кој тежи 555.237.619 евра бруто, или нешто над 138 милиони евра годишна плата која се состои од фиксен дел и бонуси.

Има и две премии, едната за потпис на документите од нешто над 115 милиони евра, и втора за лојалност од речиси 78 милиони евра.

Капитенот на Барселона веќе осигурал 92% од сумата, а Ел Мундо четиригодишната соработка која завршува на 30. јуни ја опишува како „Фараонскиот договор кој ја уништи Барселона“.