Камавинга се повлече од репрезентацијата на Франција поради повреда на коленото

Фудбалерот од средниот ред на Реал Мадрид, Едуардо Камавинга ја напушти француската репрезентација, објави ТВ „El Chiringuito“.

Медицинскиот штаб на националниот тим ја донел оваа одлука по медицинските прегледи и согледувањето на состојбата на коленото на 21-годишниот Французин.

Камавинга се повреди на тренингот во средата, откако се судри со напаѓачот на ПСЖ, Усман Дембеле. Играчот предвреме го напушти тренингот, но рече дека коленото му е добро.

Франција в сабота ќе го пречека Гибралтар во квалификациите за Европското првенство 2024.