Ким Џонг-ун пристигна во рускиот град Комсомолск на Амур

2

Ким Џонг-ун пристигна со воз во градот Комсомолск на Амур, јавија руски медиуми, прецизирајќи дека севернокорејскиот лидер отишол во фабриката за авиони во градот.

Ким на градската железничка станица бил пречекан со црвен тепих од гувернерот на областа Хабаровск и други официјални лица. Потоа отишол во воздухопловната фабрика „Јуриј Гагарин“, која ги произведува најнапредните руски борбени авиони Су-35 и Су-57, како и цивилни авиони.

Ким Џонг-ун е во Русија на покана од рускиот претседател Владимир Путин. На 13 септември во космодромот „Восточни“ се одржаа преговори меѓу двајцата лидери, прво со делегации а потоа разговараа на само.

Русија е првата земја што Ким ја посети од почетокот на пандемијата на Ковид. Неговата претходна посета на земјата беше во април 2019 година. Тогаш тој и Путин разговараа во Владивосток и тоа беше нивна прва средба