Манчестер јунајтед викендов без повредениот Каземиро

Фудбалерот на Манчестер јунајтед, Каземиро, ќе го пропушти утрешниот премиерлигашки натпревар против Шефилд поради повреда, соопшти синоќа неговиот клуб.

Каземиро остана во Бразил да се рехабилитира од, како што е наведено, помала повреда која ја здоби настапувајќи за својата репрезентација во мундијалските квалификациски натпревари против Венецуела и Уругвај.

Јунјатед наведе дека одлуката Каземиро да остане во Бразил е донесена со цел фудбалерот да закрепне „што е можно поскоро“.

Клубот од „Олд Трафорд“ додаде оти очекува Каземиро да се врати во составот на почетокот на идната недела.