Маричиќ-Здравев: Судскиот совет треба да го спроведе прочистувањето на судството

Министерот за правда Бојан Маричиќ денеска се сретна со претседателот на Судскиот совет, со кого разговарале за спроведувањето на Законот за Судскиот совет, како и околу улогата на Судскиот совет однос на отворањето на Поглавјето 23 и исполнувањето на европските стандарди за независно и ефикасно судство.

Како што соопшти Министерството за правда, во фокусот на денешната средба била темата за зајакнување на одговорноста на судиите. Маричиќ истакнал дека Судскиот совет е клучната институција која треба да го спроведе објективното и непристрасно прочистување на судството, во соработка со меѓународните партнери.

„Маричиќ истакна и дека наскоро се очекува да започне и ЕУ мониторингот на судските случаи со висока корупција, но и дека ќе биде сојузник и поддршка за кадровското зајакнување на судовите со стручни соработници“, се вели во соопштението.

На средбата, тој уште кажал дека дека иако ситуацијата со ковид-19 го спречи Министерството за правда да врши редовен надзор над функционалноста на АКМИС-от во судовите, но и дека надзорите ќе продолжат во наредниот период.