Пендаровски до следната власт: Прочистување на судството, но пред сѐ на политичарите

10

Малкумина се убедени дека правдата пристигна, рече претседателот Стево Пендаровски во неговото Годишно обраќање од македонското Собрание. Говорејќи за правосудството во земјава Пендаровски посочи на голем број незавршени судски процеси, а ја спомена и аферата Рекет, во која, како што кажа, се најде и првиот човек на телото формирано да гони криминал.

„Безмалку три децении сме независна држава, а ниту еден висок политичар или преку ноќ збогатен бизнисмен нема завршено зад решетки, а таму требаше да завршат многу повеќе од еден“, рече Пендаровски упатувајќи порака до следната власт:

„Веднаш по изборите спроведете прочистување и кај судиите и кај обвинителите, но прво кај нас, политичарите“.