Песков: Западните земји ги блокираат мировните преговори со Украина

2

Москва ги обвини западните земји дека ги спречуваат мировните преговори со Украина и дека со тоа ја продолжуваат војната.

„Во овој момент, западните земји ги ставија сите свои влогови за продолжување на војната“, изјави портпаролот на Кремљ, Дмитриј Песков, за државната телевизија.

Под водство на Соединетите Американски Држави, Западот не ѝ дозволува на Украина да „размислува за мир, ниту да зборува за тоа, ниту да разговара за тоа“, рече Песков, мислејќи на изјавите на западните политичари што рекоа дека не сакаат да ја принудат Украина да преговара.

Без разлика на тоа, моментот за преговори ќе дојде, рече Песков. Сепак, за да се постигне мир, Украина ќе мора да ги прифати руските барања, меѓу кои е и признавањето на црноморскиот полуостров Крим како руска територија и отстапувањето на провинциите Доњецк и Луганск, додаде тој.