Променливо облачно и релативно топло

3

Времето денеска ќе биде променливо облачно и релативно топло. Во јужните делови ќе има услови за слаб локален дожд. Ќе дува слаб до умерен, а долж Повардарието и во источните делови повремено засилен ветер од југоисточен правец, соопшти УХМР.

Минималната температура ќе биде во интервал од 3 до 9, а максималната ќе достигне од 13 до 18 степени.

Во Скопје променливо облачно и релативно топло. Ќе дува слаб до умерен ветер од јужен правец. Минималната температура ќе се спушти до 8, а максималната ќе достигне до 18 степени.

Од четврток до сабота времето ќе биде променливо облачно со повремени врнежи од дожд. Врнежите во петок наместа ќе бидат пообилни, особено во западните и јужните делови. Од утре до петок ќе дува умерен, повремено засилен југоисточен ветер.