Пропадна денешниот избор на обвинители за тимот на Русковска, немаше кворум

14

Поради немањето кворум Советот на јавни обвинители на денешната седница не донесе одлука за избор на пет нови јавни обвинители за Основното јавно обвинителство за гонење на организиран криминал и корупција (ОЈО ГОКК).

Претседателот на Советот, Антонио Јолевски нова седница закажа за следниот четврток и посочи дека сите членови биле запознаени за денешната седница. Од актуелните членови отсустуваа Љубомир Јовески, Иџет Мемети и Љупчо Ивановски.

Членовите на Советот на оваа седница констатираа дека состојбата во основните јавни обвинителства е лоша. Според потребната систематизација во Основното јавно обвинителство Тетово е предвидено да работат десет обвинители, а во моментов во ова обвинителство работат двајца јавни обвинители. Лоша состојба исто така е утврдена и во Крива Паланка, каде обвинители од ОЈО Куманово ги покриват настаните од овој регион.