РОДИТЕЛИТЕ ДОБИЛЕ ГАРАНЦИЈА ДЕКА ЕМБЛА ЌЕ ОСТАНЕ ВО СВОЈОТ КЛАС Ембла е конечно среќна во училиштето

8

Неколку дена откако целата јавност во Македонија беше вознемирена заради случајот со 11-годишната Ембла Адеми, за кој на својот Фејсбук профил напиша нејзиниот татко Илир Адеми, а потоа приказната ја објави и ТВ Клан, изгледа како работите да се средуваат. Барем во однос на она што е најважно за Ембла и за нејзиното семејство, а тоа е дека таа конечно седна во училишната клупа зедно со соучениците, во истото одделение во кое се децата чии родители, поточно, нивните мајки, поднесоа петиција со која бараа ова дете со Даунов синдром да не биде во училиште со нивните деца.

„Сега е во ред, Ембла е среќна затоа што е со другите деца, а нас ни гарантираат дека тоа нема да се измени и таа ќе остане во истото одделение со своите соученици. Знаете, не само Ембла, сите деца сакаат социјализација, ниедно дете не сака да седи само и изолирано. Се надевам дека од сега сѐ ќе биде во ред“, ни кажа денес таткото на Ембла, Илир Адеми.

Повеќе за ова прочитајте на порталот „Мајка и дете“.