Савевски: На ЕП не разочаравме, иако не ја поминавме групата

Селекторот на македонската женска ракометна репрезентација, Љубомир Савевски претпладнево пред Управниот одбор на Ракометната федерација на Македонија го презентираше извештајот за настапот на Европското првенство 2022.

Савевски е задоволен од игрите на македонските ракометарки, иако тие не успеаја во намерата да се пласираат во втората фаза.

-Не ја поминавме групата, но не разочаравме. Игравме против Франција, Холандија и Романија кои се реално поквалитетни од нас. Загубивме на трите средби, можевме повеќе, но ова е вистинската слика за нас во моментов. Кај другите репрезентации интернационалките се носителки во своите клубови, додека нашите не се во таква позиција, истакна Савевски.

Селекторот напредокот го гледа во формирање клуб-репрезентација и многу повеќе заеднички тренинзи.