УХМР: Зголемен водостојот на Радика, Сатеска и Пена, бидете внимателни

Од УХМР известуваат дека како резултат на врнежите изминатата ноќ, поголеми зголемувања на водостојот има на водотеците во западниот дел на земјата, односно на р. Радика, р. Сатеска, р. Голема и р. Пена, кои и денеска се очекува да бидат високи, особено на р.Радика заедно со нејзините притоки во сливот.

Поради најавените можни локални поројни врнежи во источните делови, можно е на места зголемување на водостојот на помалите реки и суводолици во тој регион.

Предупредуваме на внимателно движење покрај реките и суводолиците во крајните западни и во делови од источните делови (каде се најавени можни локални поројни врнежи) на земјата во текот на денешниот ден.