Цивилизирана потпретседателска дебата – Пенс и Харис се судрија за пандемијата

Пандемијата со корона вирусот беше една од најжешките теми во синоќешната дебата меѓу кандидатите за потпретседател во САДС, републиканецот Мајк Пенс и демократката Камила Харис.

Иако беше смирена и цивилизирана дебата, за разлика од онаа со Трамп и Бајден, кога летаа лични навреди и обвинувања, на моменти имаше и расправа на повисок тон. Харис го обвини Доналд Трамп дека е „најголемиот неуспех на една претседателска администрација во историјата“. Пенс пак рече дека планот на Демократската партија за справување со пандемијата е чист „плагијаризам“.

Во 90-минутната дебата која се одржа во Јута Универзитетот, Харис го обвини Пенс и претседателот Трамп дека намерно ги залажувале Американците за смртноста од инфекцијата со корона вирусот.

„Знаеле и криеле“ – рече Харис, која беше потоа прашана дали би ја примила одобрената вакцина против Ковид 19, која би се дистрибуирала пред изборите. Но, 55-годишната сенаторка од Калифорнија рече дека нема да прими нешро што не е одобрено од сериозни медицински професионалци.

Пенс и Харис во просторијата беа одвоени повеќе од два метра, и пред имаше плексиглас. До гласањето има уште 26 дена, а анектите покажуваат дека Трамп заостанува на бојното поле во неколку сојузни држави чие гласови се сметаат за одлучувачки во победата.