Шојгу: „Русија го зазеде Мариупол“

0

Рускиот министер за одбрана Сергеј Шојгу изјави дека Русија го освоила Мариупол и дека украинската армија се предала.

Рускиот министер за одбрана изјави дека Русија успеала да го освои последното украинско упориште, пренесува Ројтерс. „Русија го зазеде Мариупол. Ситуацијата е мирна, отворен е патот за враќање на цивилите“, рече Шојгу. Тој рече дека Русија евакуирала повеќе од 142.000 цивили од Мариупол, дека 1.478 украински војници веќе се предале, но дека повеќе од 2.000 украински борци се уште ја бранат металуршката фабрика Азовстал. Рускиот министер истакнал дека фабриката Азовстал е безбедна, но и блокирана. Ниту едно од овие тврдења не е независно потврдено. Нема огласи од украинска страна за да се наведат потврди или деманти. Во извештаите понатаму се цитира рускиот претседател Владимир Путин, кој му честитал на Шојгу за успешната операција и му дал инструкции дека нема потреба да се упадне во фабриката Азовстал, туку таа да биде блокирана за да не влезе ни „мува“.