Штрајк на вработените во јавниот сектор во Белгија

Денешниот штрајк на вработените во јавниот сектор во Белгија, кои протестираат против финансиските кратења и пензиските реформи, предизвикува значителни проблеми во сообраќајот и во многу други области.

Железничкиот сообраќај е парализиран во голем дел од земјата, а метрото и автобусите во Брисел и околу главниот град на Белгија работат со намален возен ред.

Белгискиот синдикат за јавни услуги ACOD соопшти дека ниту еден оддел во јавниот сектор не успеал да избегне финансиски кратења.

– Вклучуваме аларм, бидејќи секој треба да има силен јавен сектор, нагласи синдикатот.