Александар Волкановски стана УФЦ шампион (Видео)

Алекс Волкановски го оствари најголемиот успех во својата ММА кариера, откако утринава стана нов шампион во перолесна категорија на UFC 245 настанот одржан во Лас Вегас.

Волкановски кој е роден во Австралија, а чиј татко е Македонец, успеа да го победи Макс Холовеј на поени (48:47/48:47/50:45), со што не му дозволи на силниот противник третпат да ја одбрани титулата во оваа УФЦ категорија.

https://www.youtube.com/watch?v=bjtE0k1dyeE&feature=emb_title

За Волкановски ова е осма победа од исто толку настапи во најеминентното УФЦ натпреварување, додека Холовеј го доживеа само вториот пораз од 2013 година. Австралиецот со македонско потекло е само четврти шампион во перолесна категорија во УФЦ историјата, а досега во ваква позиција беа и Хозе Алдо, Конор МекГрегор и Холовеј кој ја одржуваше титулата од 2016 година.

Главната пресметка на програмата беше во велтер категорија, а таму борбата меѓу Камару Усман и Колби Ковингтон беше прекината во петтата рунда, откако настрада вилицата на Американецот.