Српскиот претседател Александар Вучиќ е примен во Воено-медицинската академија во Белград (ВМА) поради кардиоваскуларни проблеми, објави Радио-телевизија Србија, повикувајќи се на извори од канцеларијата на Вучиќ.
Вучиќ, според соопштението, е примен во ВМА во петок, 15 ноември, во доцните попладневни часови.
„Здравствената состојба на претседателот на Србија Александар Вучиќ е стабилна, но заради претпазливост сè уште е на ВМА“, изјави советничката Сузана Васиљевиќ за Танјуг.
Вчера Вучиќ имал серија состаноци во својата канцеларија, вклучително и со европратениците кои учествуваат во вториот круг дијалози на власта и опозицијата за изборните услови.
Околу пладне Вучиќ присуствувал на отворањето на Белградски парк, булеварот Вудро Вилсон и улицата Николај Кравков во склоп на комплексот Белград на вода.