Ангеловска: 16.600 граѓани го добија повратот на ДДВ

15

Околу 21 милион денари од мерката МојДДВ веќе се префрлени на сметките на 16.600 граѓани на првиот ден од повратот, инфрмира министерката за финансии Нина Ангеловска по прес-конференција за проектот за поставување фотоволтаици на јавни објекти.

– Исплатите се започнати. Пристигнуваат и во трезорот кај нас. Најнов податок е дека 16.600 граѓани веќе ги добија парите на своите сметки. Вкупно 21 милион денари се веќе вратени на сметките на граѓаните. Исплатата продолжува постојано, пристигнуваат и се обработуваат податоците – рече Ангеловска.

Таа апелираше сите граѓани да ги проверат транскациските сметки кои ги внеле за поврат на ДДВ.

Според неа,просечно 180.000 граѓани секој месец скенираат фискални сметки, а најмногу сметки скенираат граѓаните во скопските општини Аеродром, Кисела Вода, Центар и Карпош, како и во Битола и во Штип.

Таа најави дека од 15 декември ќе почне наградната игра МојДДВ #МојаНаграда.