Анчелоти: Бензема е феноменален, првиот гол го промени мечот

Карло Анчелоти не го криеше задоволството после големата победа на Реал Мадрид и елиминацијата на ПСЖ во Лигата на шампиони.

Италијанецот посебно го пофали Карим Бензема кој постигна хет-трик, а како клучен момент го наведе првиот гол.

„Победивме на многу тежок натпревар, кој беше уште потежок откако Мбапе даде гол. Со висок притисок успеавме да го постигнеме првиот гол, кој промени се. Отогаш фановите не бодреа и успеавме. Ова беше спектакуларна ноќ“, изјави Анчелоти.

„Со првиот гол на Бензема атмосферата на стадионот тотално се промени и потоа беше шоу. Бензема е фаноменален, за него зборови не се потребни. Но, и без поддршката од навивачите немаше да можеме да го победиме ПСЖ. Го сменив Крос бидејќи тој долго не тренираше, а Родриго и Камавинга дадоа голем притисок“, додаде Италијанецот.