БАЈАГА ПРВПАТ ПРОГОВОРИ ЗА РАЗВОДОТ Тоа беше пред година и пол, не се ни сеќавам

Веста дека музичарот Момчило Бајагиќ Бајага (62) се развел од сопругата Емилија по 33 години брак го изненади регионот. Бајага љубоморно ја чуваше својата приватност подалеку од очите на јавноста, а сега првпат проговори за распадот на бракот.

– Никогаш не зборував за мојот приватен живот… и, ете, гледате дека разводот беше пред повеќе од година и пол, а дури сега се дозна. Беше одамна за да се сеќавам – рекол Бајага за „Дневни аваз“.

Во неколкуте интервјуа ќе кажеше неколку зборови за своите деца, синот и ќерката, кои се полнолетни, како и за поранешната сопруга за која имаше само пофални зборови. Така, се остави впечаток дека нивниот брак е идеален и дека нема триење, но се чини дека не беше така.

Наводно, работите меѓу Бајага и Емилија одамна не оделе добро и двајцата долго време не живееле заедно, па разводот бил неизбежен.