Бесплатен концерт на Четкар во Охрид

Џез музичарот Владимир Четкар ќе одржи бесплатен концерт во родниот Охрид. Настанот ќе се случува на градскиот плоштад во сабота, со почеток од 13 часот и е во организација на Општина Охрид, како дел од програмата ,,Охрид ве очекува”.

Тој ќе настапи со својот џез, соул и фанк ансамбл, односно Ѓоле Максимовски – бас гитара, Сара Николовска и Ана Костадиновска – придружни вокали, Филип Стевановски – тромбон, Виктор Филиповски – тапани, Демир Кантуровски – труба, Игор Величковски – саксофон, Ратко Даутовски – прекусии и Филип Димисковски – клавијатури.

Четкар долги години наназад живее во Њујорк, САД, и настапува во светски познати џез клубови.

На неговите настапи често можат да се забележат поранешниот претседател Ѓорге Иванов и неговиот син Иван, кои се големи љубители на музиката на охриѓанецот.

Пред околу четири години замина на голема Азиска турнеја низ Хонг Конг, Кина, Јужна Кореа и Сеул, а истата беше поддржана од Министерството за култура.

Чест гостин е на музички настани ширум светот, а пред неколку години, за време на настап на фестивалот Мумбаи Муд Индиго во Индија, бил претставен како втор Македонец по Александар Македонски, кој ја освоил Индија, но со музика.