Беше на излезна врата, сега е незаменлив: Матиќ во Јунајтед до 2023 година!

Манчестер Јунајтед денес потврди дека Немања Матиќ ставил потпис на нов договор и се обврзал на верност до 2023 година.

Српскиот играч за врска на почетокот на сезоната не добиваше минутажа, па дури се шпекулираше со негово заминување, но од февруари е незаменлив во тимот на Солскјер.

Матиќ му даде стабилност и баланс на тимот, па раководството го награди со нов тригодишен договор.

„Како фудбалер мислам дека можам уште многу да дадам и да ја збогатам мојата кариерата. Голема чест е што ќе можам тоа да го направам со Манчестер Јунајтед“, изјави Матиќ.