БИСЛИМОВСКИ: Барања за поскапување на струјата чекаме до крајот на месецов, пa ќе одлучиме, а до граѓаните порака да ја штедат

Во овој момент нема поднесено барања за поскапување на струјата, операторите треба да ги достават до крајот на месецот, па потоа Регулаторната комисија за енергетика (РКЕ)ќе заседава и ќе одлучува, изјави нејзиниот претседател Марко Бислимовски.

Тој во Утрински брифинг порача граѓаните да ја штедат струјата оти таа е скап енергенс.

– На пазарот цената на струјата се движи од 220 до 230 евра за киловат час, а исто висока цена имаме и за цела 2023 година, вели Бислимоски.

Тој нема добри вести и за природниот гас, особено што од утрово се затвора гасоводот што минува низ Украина.

-Со податоците што ги добиваме од ЕСМ обезбедени се резерви од јаглен од домашно производство за РЕК. Но нашиот јаглен е помалку квалитетен па се увезува и се меша. Добро е што имаме добра хидролошка година, но сега треба да се почне да се штеди. Имаме појави во некои општини на недомаќинско трошење, вели Бислимоски.

Коментар даде и за тоа дека некои општини исклучуваат улично осветлување.