Специјалните единици на косовската полиција РОСУ биле распоредени утринава на двата административни премини кон Србија – Јариње и Брњак.
Припадниците на специјалната единица на косовската полиција утринава пристигнале на двата премини на северот на Косово со околу 20 возила, од кои над 10 блиндирани.
Situacija blizu prelaza Jarinje:#Kosovo https://t.co/BdImPWZstW pic.twitter.com/MRqvhuyNte
— Kaспер 🇷🇸 (@KasperSRB) September 20, 2021
Како што јавува РТС, косовската полициска служба ја информирала српската полиција дека регистарските таблички со ознаки на северот на Косово ќе бидат одземани. Наведено е дека возилата кои имаат таблички со ознаки од Србија ќе мора да земаат пробни ознаки и да плаќаат осигурување.
Директорот на Канцеларијата за Косово и Метохија на српската влада Петар Петковиќ соопшти вчера дека премиерот на Косово Аљбин Курти и властите во Приштина планираат да почна да ги одземаат српските регистарски таблички на административните премини и да ги заменуваат со косовски ознаки.
Косовската полиција потврди синоќа дека во близина на преминот Јариње се поставуваат контејнери. Наведоа дека целта на таа акција е подобрување на инфраструктурата, односно условите за работа на полициските службеници“.
Игор Симиќ од партијата Српска листа кажа дека Србите од Косово и Метохија се гневни поради потегот на Приштина на Јариње и Брњак да испрати специјалци на РОСУ.
Ne na sednicu i izjave @avucic nego na reakciju https://t.co/k9X4cyDcyj
— Baltazar фарбар (@Goran_Cuvi_z) September 20, 2021
Тој кажа дека Србите на Косово се длабоко вознемирени поради присуството на до заби вооружените специјалци. Наведе дека околу 300 возила на Срби се заглавени на Јариње, и над 100 на Брњак. „Блокирани се двете сообраќајни ленти и сообраќајот е блокиран“, кажа тој.
„Ги повикуваме нашите граѓани да бидат воздржани и да не наседнуваат на провокациите, бидејќи ова е провокација на Приштина, најверојатно за на Србите да им се ограничи слободата на движење со одземањето на регистарските таблички од Србија“, кажа Симиќ.