Новоизбраниот градоначалник на Општина Бутел Дарко Костовски денеска ја презеде функцијата од досегашниот градоначалник Велимир Смилевски, кој изгуби во првиот круг од локалните избори.
– Од денеска сум во служба на граѓаните и сите заедно ќе зачекориме кон модерна, безбедна и просперитетна Општина Бутел – рече Костовски при доделувањето на уверението.
Уверенија им беа доделени и на новоизбраните советници во Општина Бутел, каде мнозинството од десет советници го има ВМРО-ДПМНЕ.