„Вашингтон пост“ објави снимка на која Трамп бара да се украдат гласови во Џорџија

Доналд Трамп бил снимен како завчера од државниот секретар на Џорџија бара да му пронајде доста гласови со кои би го свртел резултатот од претседателските избори во своја корист.

„Сакам да пронајдам 11.780 гласови“, му вели Трамп на Бред Рафенспергер на снимката што ја објави „Вашингтон пост“.

Рафенспергер може да се слушне како му одговара на Трамп дека резултатите од изборите во Џорџија се точни.

Од изборите на 3 ноември, Трамп не престана да обвинува за изборни измами и неправилности, за што досега не понуди никаков доказ. Сите 50 сојузни држави ги потврдија изборните резултати, додека сите судски тужби на кампањата на Трамп беа одбиени.

Снимката можете да ја слушнете <a href="http://https://www.washingtonpost.com/video/politics/audio-trump-berates-georgia-secretary-of-state-urges-him-to-find-votes/2021/01/03/aba64f5f-8c3c-490f-af34-618ccea732d7_video.html“>тука.

На едночасовната снимка што ја објави „Вашингтон пост“, Трамп може да се слушне како го притиска и убедува државниот секретар на Џорџија. Тој притоа инсистира дека победил на изборите и му вели на Рафенспергер дека „нема ништо лошо во тоа да признае дека погрешно ги избројале гласовите“.

„Вашите податоци се погрешни. Ние стоиме зад нашите бројки и веруваме дека се точни“, му вели Рафенспергер на Трамп.

Трамп притоа бара да му се обезбедат дополнителни 11.780 гласови, со што за еден глас би го победил Џо Бајден во Џорџија.

„Можете повторно да ги испитате резултатите, но со луѓе кои сакаат да пронајдат одговори“, вели Трамп.

Белата куќа досега не го коментираше објавувањето на снимката.