(Видео) Голем пожар избувна на траект со 288 луѓе што пловел од Грција кон Италија

Пожар избувна на траект кој пловел од Грција кон Италија, во кој имало 288 патници и членови на екипажот, соопшти грчката крајбрежна стража.

Грчки „Катимерини“ јавува дека патниците се евакуирани и дека веќе се во чамците за спасување, а засега нема информации дали има жртви или повредени.

Крајбрежната стража соопшти дека на бродот имало 237 патници и 51 член на екипажот.

Во спасувачката операција биле вклучени три брода на крајбрежната стража, а „Катимерини“ наведува дека во спасувачката операција се вклучени и хеликоптери.

Фериботот „Еурофери Олимпија“ под италијанско знаме пловел од Игуменица во Грција до пристаништето Бриндизи во Италија, а пожарот избувнал во близина на островот Крф во Јонското Море, пренесуваат агенциите.

Засега не се познати причините за пожарот.