Во Италија за 24 часа починале 712 лица, голем пораст на новозаболени со коронавирус

Италијанскиот северен регион Пијемонт соопшти дека 50 лица во тој регион починале од коронавирус во изминатите 24 часа, број кој е изоставен од национaлната бројка што ја објави Агенцијата за цивилна заштита.

Со овие 50, бројот на починати во Италија во изминатите 24 часа е 712, а не 662 како што претходно беше објавено. Ова претставува зголемување на бројот на починати од претходниот ден кога починале 683 лица.

Бројот на новозаразени во текот на вчерашниот ден е 6.203, што е голем пораст во однос на изминатите денови. Бројката е 3.957 во неделата, 3.780 во понеделникот, 3.612 во вторникот и 3.491 во средата.

Вкупниот број на починати во Италија од коронавирус е 8.215, а не 8.165 како што првично беше објавено.

Бројот на заболени е 80.589, а излекувани се 10.361 лица. Бројот на активни случаи е 62.013, а во критична сотојба се 3.612 лица.