Вториот најмоќен човек во Иран убиен по наредба на Трамп
Со драматичната ескалација на крвавата борба меѓу Вашингтон и Техеран, Белата куќа објави дека американскиот претседател Доналд Трамп наредил воздушен напад во Багдад во кој загина високиот ирански генерал Касем Сулејмани во раните утрински часови, јавуваат светските медиуми.
General Soleimani was actively developing plans to attack American diplomats and service members in Iraq and throughout the region. https://t.co/Me5DMvMgSp
— The White House (@WhiteHouse) January 3, 2020
Сулејмани, кој ги водеше иранските воени операции во Ирак и Сирија, е убиен додека се враќал од аеродромот во Багдад. Во нападот е убиен и заменик-шефот на ПМУ, Абу Махди ал-Мухандес, близок соработник на Сулејмани.
First images apparently from #Iraq where #IRGC_QF Qassem #Soleimani and PMF commander and members incld. Abu Mehdi Muhandis martyred in #US assault. (Images via @sadeq_hosseini ) #Iran pic.twitter.com/j3xiCtbAfS
— Fereshteh Sadeghi فرشته صادقی (@fresh_sadegh) January 3, 2020
Неколку минути пред објавувањето на информацијата од официјалните американски институции, Трамп на својот профил на Твитер објави слика на американското знаме, без коментар.
Малку подоцна, Белата куќа соопшти дека воздушниот напад е „одлучувачка одбранбена акција“ спроведена „по наредба на претседателот“.
Иран ја потврди смртта на Сулејмани, велејќи дека САД ќе бидат одговорни за последиците.