Грета Тунберг во Давос: Практично ништо не е сторено за климата

5

Младата активистка Грета Тунберг денес пред економската и политичката елита во Давос изјави дека „ништо не е сторено во практиката за климата“, дури и по неколкумесечната масовна мобилизација на младите луѓе низ целиот свет.

„Климата и животната средина денес се жешка тема, но ништо не е сторено во практиката“, рече Грета Тунберг на тркалезната маса на Светскиот економски форум.

Таа изјави дека емисијата на јаглерод диоксид не се намалила и предупреди дека проблемот нема да се реши доколку не го третираме како вистинска криза.

На првиот ден на Форумот се очекува да се обрати американскиот претседател Доналд Трамп.

Не е познато дали ќе се отвори можност за средба на шведската еколошка активистка и американскиот претседател, кои имаат спротивставени ставови за климата.