Двајца кумановци и двајца скопјани ја изгубија битката со Ковид-19, на возраст од 43 до 77 години

По долго време, денеска е регистриран помал број на заразени од Ковид-19, односно нови 39 случаи. Сепак, и во изминатите 24 часа, има смртни случаи, односно четворица пациенти ја изгубиле битката со корона вирусот.

-Починати се 4 лица, двајца пациенти од Куманово (43г и 66г), двајца од Скопје (71г и 77г). Сите пациенти се починати во болнички услови, велат од Министерството за здравство.

Денеска Институтот за јавно здравје регистрира 48 оздравен пациент од: Скопје-6, Штип-21, Тетово-3, Струга-1, Битола-1, Гостивар-6, Гевгелија-1, Кочани-2, Пробиштип-1, Виница-2, Кичево-4.