„Дедо и внук“ од 12 декември во киното „Милениум“

Филмот за кој се зборува, филмот што отвори многу болни теми во општеството, филмот за цената на детскиот живот, од 12 декември во Скопје.

Најновото дело и првиот долгометражен филм „Дедо и внук“ на македонскиот режисер Илија Пиперкоски ќе се прикажува во киното „Милениум“ со почеток од 20 часот.

Дали сенките на минатото секогаш и без исклучок не стигнуваат и го задаваат немилосрдниот удар? Вреди ли да се живее без љубов и без болка?

Охридскиот режисер Илија Пиперкоски во филмот дава многу одговори на овие прашања, но и отвора многу нови дилеми. Пиперкоски истовремено е и сценарист на филмот. Продуцент е Огнен Антов, монтажата е на Данчо Стефков, а директор на фотографија е Романецот Патру Паунеску.

Главните улоги ги толкуваат Дејан Лилиќ, Салаетин Билал, Даниела Ивановска, Горан Стојаноски, Благој Веселинов и малиот охриѓанец Наум Цветкоски.