Денеска Комисијата за заразни болести ќе решава за можни нови рестриктивни мерки, министерот Филипче закажа прес конференција
Утрово Комисијата за заразни болести ќе заседава за евентуални нови рестриктивни мерки кои би ги предложила до Владата.
„На состанокот ќе се анализираат трендовите и инциденцата по региони како и бројот на хоспитализирани. Засега не можам да ви кажам дали ќе имаме нова препорака до Владата или не“, истакна вчера министерот за здравство Венко Филипче.
Филипче во 11 часот закажа конференција за медиуми на која најверојатно ќе ги соопшти одлуките од седницата на Комисијата за заразни болести.