Дизелот поскапува за 1,5 денар, цените на бензините остануваат исти

1

Илустрација: Точење гориво на бензинска станица / Фото: EPA-EFE/CONSTANTIN ZINN
Од ноќеска на полноќ, дизелот поскапува за 1,5 денар и ќе чини 95,5 денари, а цените на бензините остануваат исти, одлучи Регулаторната комисија за енергетика и водни услуги (РКЕ).

Според РКЕ, за 0,5 денари се намалува и цената на екстра лесното масло за домаќинство, додека мазутот поскапува за 0,503 денари.

ЕУРОСУПЕР БС – 95 ќе чини 95,50 денари за литар, цената на ЕУРОСУПЕР БС – 98 и натаму ќе биде 98 денари, екстра лесното масло ќе се продава по 94 денари, додека мазутот по 53,343 денари за килограм.

Со најновата Одлука на РКЕ се врши зголемување на малопродажните цени на нафтените деривати во просек за 0,40 отсто во однос на Одлуката од 27 јули 2022 година.