Доналд Трамп е „негативен“

Претседателот на САД, според неговиот личен лекар, неколкупати бил тестиран негативно на коронавирусот и повеќе не е заразен за други. Досега, Шон Конли избегнуваше експлицитно да го прогласи Трамп за излечен од Ковид-19

Доналд Трамп е негативен на Ковид-19 и не е заразен за други лица, соопшти личмниот лекар на американскиот претседател, Шон Конли.

Соопштението на Конли беше издадено неколку часа пред собирот во Флорида на кој Трамп ја продолжи кампањата за претседателските избори. Шон Конли рече дека негативниот резултат го покажал тестот од лабораторијата Абот.

Тој наведе оти негативниот тест и другите клинички и лабораториски податоци покажуваат, како што се изрази, непостоење на видливи копии на вируспт. Лекарот на американскиот претседател додаде и дека медицинскиот тим, врз основа на насоките на американскиот Центар за контрола и превенција на болеста, утврдил оти претседателот Трамп не е заразен за други лица.