Доналд Трамп и Меланија имаат Ковид-19

9

Близок соработничка на претседателот на САД се заразила од коронавирусот – и ги инфицирала Трамп и Првата дама. Среде предизборна кампања, актуелниот претседател сега е во „процес на карантин“.

Хоуп Хикс е поранешна директорка за комуникации на Белата куќа и сè уште е една од најблиските соработници на американскиот претседател. Во вторникот, таа патуваше за Кливленд со претседателскиот авион, за да присуствува на ТВ-дуелот на Доналд Трамп со кандидатот за претседател на Демократската партија Џо Бајден.

Следниот ден таа отпатувала во Минесота на друг настап во изборната кампања. Таму не се чувствувала добро и била ставена во карантин уште за време на повратниот лет на претседателскиот авион.

31-годишната специјалистка за односи со јавноста исто така и приватно е многу блиска со семејството Трамп: Претседателот еднаш ја нарече негова „друга ќерка“.

USA Washington Donald Trump und Melania (Carlos Barria/Reuters)
Хикс половина година беше одговорна за целокупните комуникации за Белата куќа за половина година пред да даде оставка на крајот на февруари 2018 година. „Ние поминуваме многу време со неа“, изјава Трамп во четвртокот.

Сега и претседателската двојка е заразена со коронавирусот,

„Веднаш ќе започнеме со карантин и со закрепнување. Ќе го пребродиме ова ЗАЕДНО”, порача Трамп на Твитер. САД влегоа во завршната фаза на претседателската кампања за изборите на 3 ноември, на кои Трамп се бори за втор мандат.