„ЕУ е Аушвиц, Џонсон е логораш“ (ФОТО)
Италијанскиот цртач Марио Импорта предизвика бурна полемика во земјата и во странство откако ја прикажа Европската Унија како нацистичкиот логор на смртта Аушвиц.
Покрај тоа, тој го прикажа британскиот премиер Борис Џонсон како затвореник што бега.
Импрота на својот профил на Твитер објави цртан филм откако конзервативците на Џонсон освоија мнозинство на изборите во Велика Британија, пренесе АП.
Цртаниот филм го прикажува Џонсон како мавта со британското знаме додека бега од концентрациониот логор со натпис „Европска Унија“ на истото место каде што беа испишани зборовите „Arbeit macht frei“ (Работата ослободува).
Споредбата меѓу ЕУ и концентрациониот логор веднаш предизвика бран критики од политичарите, од еврејската заедница во Рим, па дури и од некои следбеници на уметникот на Твитер.
На твитер-профилот на Меморијалот Аушвиц на италијански јазик е поставена порака дека „Arbeit macht frei“ е цинична илузија што СС им ја дал на затворениците во Аушвиц и дека овие зборови станале еден од симболите на човечката омраза.
Brexit cartoon depicts EU as Auschwitz, Boris Johnson as prisoner – https://t.co/LikcsS97o0 #GoogleAlerts
— Alnmouth Beach (@AlnmouthBeach) December 17, 2019
„Сеќавањето на Аушвиц и на неговите жртви е болно кога овој симбол се користи и срамно се злоупотребува“, се вели во коментарот на твитер-профилот на Меморијалот Аушвиц.
По широко распространетите критики, Импрота го смени цртаниот филм во понеделникот, заменувајќи ја сликата на нацистичкиот логор со тоалет, со признание дека не било коректно ЕУ да се идентификува со концентрационен логор.