Зеленски ги посети украинските војници: Победата е најважна работа, но не по секоја цена

Украинскиот претседател Володимир Зеленски ги посети војниците на источниот фронт за подобро да ја разбере позицијата на украинските бранители, пренесуваат светските агенции.

Тој според написите го посетил командниот пункт и војниците на фронтот во областа Бахмут, во Донбас, а бил и на фронтот во Лисичанск, во областа Луганск.

Инаку, Лисичанск е оддалечен само неколку километри од Северен Доњецк, каде што се водат тешки борби. Во тој град во тек е украинска контраофанзива.

„Вие заслужувате победа, тоа е најважно, но не по секоја цена“, изјавил Зеленски.