Земјотрес почувствуван во Ресен, Дебар и околината

Земјотрес од три степени според Рихтеровата скала синоќа бил почувствуван од населението во Ресен, Дебар и околината.

Телеметриската сеизмолошка мрежа, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, соопшти дека ноќта на 07.04.2022 година е регистриран земјотрес на 115 километри југозападно од Скопје кој потекнува од епицентрално подрачје Дебар.

Според досегашните податоци со кои располага опсерваторијата земјотресот се случи во 23 часот и 49 минути.